خوف

من وجد طريقه فليسلكه ،فليس اسوأ من ضياع الهدف سوى العجز عن ادراكه بالرغم من معرفته.
من وجد طريقه سنساعده ، نحن الضائعون التائهون في غيابات الفكر والشك لا نرجو نجاه او هدايه
من وجد طريقه فليدعو لنا ان نعرف يوما لذه الوجود ....ان نتوقف عن الذوبان في الكون حتي فقدنا ذاتيتنا
الحلم المؤلم يملكنا لانملك ان نحيا دونه ...ويطالب بقرابين ولاء ...ويعاقبنا ان حاولنا ان نجد طريقنا.
الحلم المؤلم يملك كل سعادتنا .......يملك متعتنا بالاشياء ويمنعنا من ان نتمتع بسواه
من وجد طريقه فليرحل ...لا تنظر للحلم ...لا تستمع الي نغماته ...
لا تدعه يسرق ذاتك...لا تنخدع بالكلمات  ...اهرب ...اغلق عيناك ولا تتوقف يوما تتسائل عن جدوي طريقك حتي لا يدركك الحلم فتسقط .......وتسلك طريق الحلم

عشان اليوم مايقفلش

"والله انا في التاكسي ...هوصل كمان خمس دقائق" غالبا ما تقول هذه العباره وانت واقف في الشباك حتي تعطي انطباع انك في الشارع فعلا بينما انت لم تبدأ في ارتداء ملابسك .......ولكن يجب ان تفعل هذا حتي لا يغضب اصدقائك عشان اليوم مايقفلش.



"انت رجعت الساعه كام امبارح ياولد"
والله يابابا راجه اتناشر ونص :D D: D:..................غالبا ماتقول هذه العباره للوالد بالرغم من انك راجع مع اذان الفجر.....ولكن مضطر انك تقول كده  عشان اليوم مايقفلش.


"والله يا حبيبتي هي اللي كلمتني وانا ماليش علاقه بيها خالص" ..........غالبا ماتقول هذه العباره دفاعا عن نفسك ضد اتهامات غالبا ماتكون حقيقيه  ولكن الانكار بشده الانكار بثقه سينقذ الموقف وانت تعلم هذا ...وكله عشان اليوم مايقفلش.


"والله يا باشا انا كنت ماشي علي ستين .......ده انا حتي رابط الحزام ".............طبعا دائما ما تقول هذا عندما يوقفك ظابط المرور ذو النظره الحديديه والقدره الاكيده علي خراب بيتك وسحب الرخصه ..وتتمني ان تنطلي عليه لانه لو سحب الرخصه .......كده يبقي اليوم هيقفل بالضبه والمفتاح.



                              قالو قديما كل الوسائل مباحه في الحب والحرب
                              واليوم اصبح كل الوسائل مباحه المهم اليوم مايقفلش

عن الحياه...الفاتنه

تلك الفاتنه .......نضاره الوجه وسحر العينان ليسا اسلحتها الوحيده ،ولا يمكن لاحد ان يجزم من اين تأتي بسحرها ولا مم صنعت هذه الهاله التي ترتديها ...
تلك الفاتنه ......كلماتها تزيدك حيره ولا تملك الا ان تنصاع لأمر لم يخرج من شفتيها
تلك الفاتنه......تحاول ان تتحرر منها وتقضي يومك في رسم خطط لاغتيال كبريائها ...وتتعهد لشياطينك بسفك دموعها
تلك الفاتنه......قد تكون بوجه طفله ولكن بقلب رجل عجوز......رجل رأي كل النهايات وشهد كل فظاعات الكون فلا يكاد يندهش في كل مره تحاول انت مباغتته .
ليس الانسحاب هزيمه صدقني .......فربما كان خيارك الوحيد ..........فاليوم اصبح موتك هو خلاصك الوحيد من الوهم.

أصداء السيرة الذاتية

في أيام النضال و الأفكار و الشمس المشرقه تألقت ليلى في هالة من الجمال و الاغراء.
قال أناس : انها رائده متحررة.
وقال أناس : ماهي الا داعرة.
ولما غربت الشمس و تواري النضال و الأفكار في الظل هاجر من هاجر الى دنيا الله الواسعة.
وبعد سنين رجعوا ، وكا يتأبط جره من الذهب وحمولة من سوء السمعة.
وضحكت ليلى طويلا و تساءلت ساخرة : ترى ماقولكم عن الدعارة؟؟؟



                                        عظيمنا نجيب محفوظ 

كنت مهرولا لأشهد حلقة الذكر. مررت في طريقي بعجوز رث الملبس تعيس المنظر وهو يبكي . صرفت نفسي عن الانشغال به أن يفوت علي قصدي .ولما احتل الشيخ مكانه وسط حلقة الذكر نظر فيما حوله حتى وقع بصره علي فأومأ الي لأقترب منه .ومال على أذني هامسا :
  -أهملت العجوز الباكي فأضعت فرصة للخير لن تحظي بمثلها باستماعك الى درسي اليوم  


                                 أديبنا نجيب محفوظ


قال الشيخ عبد ربه التائه:
اه من تلك المرأة الجميلة التي لا وفاء لها.
لا هي تشبع ،ولا عشاقها يتعظون .


                         استاذي في الحياه نجيب محفوظ

مبدأ الاحتفال

صوت زغاريد في العماره اللي جنبنا ...
ياتري في حد نجح ولا حد هيتجوز ؟؟؟؟؟؟؟ وممكن برده يكون حد راجع من السفر ..حد غايب بقاله سنين!!!
وممكن يكون حد هيشتغل اخيراااا بعد طول انتظار ....ولا يمكن حد كان مريض وربنا شفاه !!!!
مليون فكره حلوه جت في بالي ، وفجأه اكتشفت ان فيه مليون سبب للسعاده ،المهم ان لما حاجه حلوه تحصل تستهبل وتفرح لاقصي درجه ممكنه ومافيش مانع ابدا انك تفقع زغروده الساعه 12 صباحا وتصحي النايمين لان الواحد بينام كل يوم لكن مابيفرحش كل يوم.
النهارده اكتشفت مبدأ مهم جدا في الحياه .........مبدأ الاحتفال ، وقلت لنفسي هو انا ليه مابحتفلش بكل حاجه واي حاجه حلوه بتحصل ،نفسي بصتلي باستغراب قلت لها : ايوه ..نحتفل ..بصي هي الحياه كده كده تافهه وعبيطه واديكي شوفتي بنفسك ليه بقي مايبقاش عبطها ده في مصلحتنا .
مقدرش اقول اني اقنعت نفسي  تماما بالفكره...........بس دايما الافكار العظيمه بتتحارب في الاول



مش مهم الناس دي بتزغرد ليه المهم ان في حد فرحان وعقبال عندنا....:D

الساعه السادسه صباحا يا نااااااس

لازال بعض الرجال يذهبون لأعمالهم في السادسه صباحا.......
ولازالت بعض الزوجات تقف في شرفات المنازل مودعه وداعيه بالسلامه...........

لغز التوليفه

حد لاحظ قبل كده لغز التوليفه ؟؟؟؟؟؟؟؟
لما تلاقي الواحد يقولك يا سلاااااااااام علي كوبايه الشاي بعد اكله السمك ، ولا فنجان القهوه مع حته شيكولاته واغنيه للست ام كلثوم ياااااااااااه يا سلاااااااااام والله ده حاجه اخر عظمه.ولا كيس الكرانشي بالشطه مع البيبسي اصله بيزود مفعول الشطه
وقيس علي كده ملايين التوليفات اللي ليها عند صاحبها مكانه الهويه نفسها.طبعا التوليفات برده زي اي حاجه في الدنيا ليها ايديولجيات وحيثيات وكلام فاضي من ده كتير . يعني مثلا في توليفات قوميه زي مثلا السمك مع الرز الاحمر او الجبنه والبطيخ .هذه التوليفات هي من صميم الحضاره المصريه ، مافيش بيت في مصر بياكل الرز الاحمر -اللي بيتعمل ببصل عشان الساده الرجال-مع اي حاجه غير السمك ولا يمكن تغيير التوليفه دي . وطبعا في توليفات شخصيه اللي هي بتدل علي تفرد الشخص وتميزه ويمكن تكون اثباته الوحيد لذاته. فكرت كتير بصراحه في الصله اللي بتتكون بين اشياء ليس لها اي علاقه ببعض وامتزاج العناصر المختلفه اللي بتؤدي في الاخر لما يدعي المزاج .طبعا ماقدرتش اوصل لحاجه لاني مش من محبي الاجابات لانها بتقفل باب النقاش والتفكير والتساؤل ولاني بحب جدا افكر ولاني عارفه ان وصولك لاجابه علي الاسئله دي ينزع من الحياه كل متعه فانا قررت اني اكتب النهارده عشان اثير انتباهكم للعالم المثير للجدل وهو عالم التوليفات البشريه من غير ما اتحفكم برأيي او تفسيري الألمعي للظاهره دي