صباح الخير
بقالي مليون سنه ماكتبتش كلمتين علي بعض.لدرجه اني مش عارفه اكتب بالعربي .كل لما افكر اكتب احس بفراغ فظيع.كان دماغي بتتحداني .هتكلم عن ايه ؟ الاكتئاب! الحياة! الموت!
كلها حاجات ملهاش معني .كل المعاني مالهاش معني .يمكن محادثق تستمر ساعات عن نوع كريم الاساس المناسب لبشرتي يكون اعمق من كل الكلام اللي هكتبه هنا.عارفين ليه؟ لانه كلام حقيقي مع ناس حقيقيين .كلام بيوصل في الاخر لقرار مش زي كل الكلام اللي بنحاول نحارب بيه جزء من ذاتنا .
الراحه الحقيقيه هي في تقبل الاكتئاب تماما.كل الباقي والوحيد .ويمكن كمان الناس عندها حق اني لازم اختفي من الدنيا.كل كلامهم بيدل اني عبء وغير مرغوب فيا.والغريب ان انا كمان مش عاوزة ابقي هنا. كل يوم بحلم اني همشي.بس امتي؟ خايفه
ماحدش يستاهل دموعك ولا حتي انا ! مرةحد قالي كده والغريبة اني من يومها بطلت اعيط فعلا.بس الضغط جوايا بيزيد ياريتني اعيط واصرخ علشان كل حاجه تتلخبط وانسي اللي مزعلني وانام .
حتي مابقتش في حاجه بالتحديد اللي مزعلاني.كل حاجه زي ولا حاجه .